یک کلیپ زیبا از گروه بلوچ سیتی
برینگریں آه،شپے جل گوں من ءَ
سِستگیں ساه،شپے جل گوں منءَ
من ودارں وادهاں دیرنت گُلِ
لال کیت ماه،شپے جل گوں منءَ
کرن گوستگ په تو واباں گُلے
یل دین پرواه،شپے جل گوں من ءَ
ته کدیں داں کُجا دل ءَ ریجگ
مهرءِ گُمراه،شپے جل گوں منءَ
چُنت سالءَ زندیں گوازینتِ هُوار
زندءِ همراه ،شپے جل گُوں منءَ
زردءِ شوهازءُ تهارے ءُ گِسر
چهاردهے ماه شپے جل گُوں منءَ
سرتئے زاںءَ عارف ءِ واهشت
درکپیت ساه شپے جل گوں من ءَ